O Ateneo Eumés Fernán Martís ven de publicar un novo exemplar da súa revista de estudios "Cadernos do Ateneo Eumés". Presentarase o vindeiro Venres, día 30 de Xaneiro ás 20 horas no centro municipal de maiores. O novo exemplar, o número 6, inclue un suplemento sobre Ramiro Fonte, eumés senlleiro recentemente falecido.

  Como ven sendo habitual a presentación virá acompañada dunha conferencia, neste caso a cargo de D. Alfonso Eiré López, xornalista e escritor baixo a temática:

Por qué a prensa en Galego?

   Teño dobre personalidade no que respecta ao Linux. Cada certo tempo instalo un Linux na miña computadora, o configuro co último KDE, instalo Openofficce, Gaim, Firefox, e póñome a traballar sabendo que as aplicacións que estou a usar foron desenvolvidas sen ánimo de lucro por xente de todo o planeta. Logo, un día, hai algo que sei que se pode facer pero non son capaz polos meus limitados coñecementos do sistema e caio na trampa: volvo ao Windows no que me desenvolvo con moita máis soltura.

   Ainda que esto me pase unha e outra vez recoñezo que son "linuxero" por principios, ainda que non por coñecementos. A dinámica actual do Linux e do software libre en xeral, paréceme imparable. As aplicacións libres que hoxe en día pululan pola Rede permiten traballar, dentro da normalidade, sin gastar un só euro en software, librándonos así da cárcere das grandes multinacionáis da programación que con pequenos cambios estéticos, utilizando as mismas librerías querennos obligar a comprar software cada dous ou tres anos.

  Mesmo as administracións están xa no bo camiño como demostra a intensa utilización do sistema operativo libre no eido educativo das comunidades autónomas. Mesmo en Extremadura ou na nosa Galicia temos xa unha distribución adaptada. O Ateneo Eumés co que colabouro (ainda que menos do que me gustaría) ten organizado para o vindeiro 19 de Xuño un acto de presentación ou de difusión de Galinux e o Software libre en xeral. José Manuel Pello da asociación Amigus de As Pontes falaranos, no centro de maiores, do desenrolo de Galinux, da súa utilidade na vida persoal ou profesional, doutras aplicacións libres como Gaim, Gimp, Firefox, Thunderbird, etc. para despertar un pouco as nosas conciencias e racionalizar o uso do software.

   Pontedeume, como ven sendo normal, está á cola na comarca neste eido. Xa non é que a nosa administración non se move  a prol do software libre, é que non hai actividade persoal, ou polo menos eu non a coñezo. Gustariame que todos vos, os que visitades as páxinas da Eumesfera , os que facedes as páxinas eumesas, os que comentades as novas, os que usades software libre, asistades a ese acto. Quizáis poidamos montar un grupo de traballo eumés en software libre, ou argallar unha party como a de Mugardos ou As Pontes. Ou polo menos coñecernos os eumeses que usamos software libre para poder comentar as esperiencias.

Vémonos o 19...